Техникалық және кәсіптік білім беру ұйымдарының білім алушылары арасында «Жас турист – 2023» облыстық туристік слеті
1-2 қараша күндері Түпқараған ауданы, жекелеген пәндерді тереңдетіп оқытатын мамандандырылған Форт – Шевченко мектеп лицейі мен орталық саябағында жастар арасындағы туристік-спорттық білім мен дайындықты дамыту және туристік көпсайысты насихаттау мақсатында техникалық және кәсіптік білім беру ұйымдары арасында «Жас турист – 2023» облыстық туристік слеті өткізілді.
Туристік слетке 10 топтан 60 студент қатысып, 2 күндік шарада спорттық шеберліктерін, бейімділіктерін шыңдай түсті.
Слеттің біріктірілген туризм бойынша «Аспалы өткел», «Параллель сүйеніштер» «Вертикальный маятник», «Спуск-подъем», «Гусиный шаг», «Алау жағу», «Траверс», «Бурелом» кезеңдері аудандық саябақта ұйымдастырылды.
Студенттер кешкі алау жанында туристік әндер шырқап, танысу кешіне қатысты.
Қазылар алқасының шешімімен, жүлделі орындар:
І орын – Н.Бекбосынов атындағы Маңғыстау энергетикалық колледжінің «Энергетик жастары» тобына;
ІІ орын – Мұрын жырау Сеңғірбекұлы атындағы Маңғыстау жоғары педагогикалық колледжінің «Азимут» тобына;
ІІ орын – Х.Өзбекғалиев атындағы Маңғыстау жоғары политехникалық колледжінің «Алау» тобына;
IІІ орын – Бейнеу гуманитарлық колледжі «Жалын» тобына,
IІІ орын – Болашақ колледжінің «Болашақ» тобына;
IІІ орын – Түпқараған гуманитарлық – кәсіптік колледжінің «Ақкетік» тобына табысталды.
Барлық жеңімпаз топтарды құттықтаймыз!
