Білім алушылардың «Эко – өмірге бес қадам» облыстық қашықтық байқауы
2022 жылдың 19 шілдесі күні облыстық балалар мен жасөспірімдер туризмі орталығының ұйымдастыруымен 12-15 жас арасындағы білім алушылар арасында «Эко – өмірге бес қадам» облыстық байқауы қашықтықтан өткізілді.
Байқаудың мақсаты – оқушылардың экологиялық дүние танымдарын қалыптастыру, эстетикалық және шығармашылық қабілеттерін дамыту болып табылады.
Облыстық кезеңге 21 оқушының жұмысы ұсынылды. Байқау ережесіне сәйкес, «Жас дизайнерлер» номинациясы бойынша қатысушылар еркін стильде эко-сөмкелер дайындап, «Судың да сұрауы бар!» номинациясында ауыз суды, жаңбыр, қар суын, техникалық суды тиімді түрде пайдаланып, қалай үнемдеуге болатыны туралы «лайфхак» жанрында бейнероликтер ұсынды. «Табиғатпен дос бол!» номинациясы бойынша қоршаған ортаға зиян тизігетін әрекеттерді жасамаудың жолдарын креативті түрде фото коллаждармен дайындаса, ал «Химиясыз тазарту» номинациясында тұрмыстық қалдықтарға екінші өмір сыйлау мақсатында табиғи, химиялық қоспаларсыз құралдарды пайдалану арқылы қалпына келтірілген дүниелер ұсынды.
#Балажылы2022
#жаздыңбіркүні
#Экологиялықбиологиялықбөлімі
#шатырлылагерь
