«Табиғатпен үндес білім беру ұйымы» облыстық байқауы
Ағымдағы жылдың 17 қараша күні облыстық байқаудың жұмысшы комиссиясы Бейнеу ауданына іс сапармен барды. «Табиғатпен үндес білім беру ұйымы» облыстық байқауының мектепке дейінгі білім беру ұйымы номинациясы бойынша Бейнеу ауданынан «Үстірт бөбекжайы» мекемесі қатысуда. Байқаудың жұмысшы комиссиясы балабақша жұмыстарын, ондағы жас бүлдіршіндерге өткізілетін экологиялық тәрбие беру бағытындағы іс-шараларын, табиғат мүйістерін, оқу кабинеттерін және балабақша ауласын, жылыжай жұмыстарын зерделеді. Зерделеу барысында балабақша аумағының, оқу кабинеттерінің бөлме өсімдіктерімен, жасыл – желектермен көгалдандырылуына, абаттандырылуына мән берілді.